Egimu kumirimo Abekkobe gye bakola mu Bwakabaka

1. Namwama yeyagobereranga Lubaale Mukasa e Ssese.

2. Ow'essiga Lwabiriza e Katoolingo y'abanga entaana z'abalangira era ye yaggyanga akaba ku njole ya Ssekabaka.

3. Abekkobe bebawanga amafumu ga Kabaka mu nnyago era bayitibwa bawanzi.

4. Wanda y'afuuyira Kabaka ekkondeere eriyitibwa Mwokoola alifuuyira wamu ne Makanga Oweemmamba nga ye afuuwa erirye eriyitibwa Kawunde.

5. Ow'essiga Kakinda, y'akinda olubugo olusumikibwa Omulangira ng'alya Obuganda (Obwakabaka).

6. Abekkobe bebamu kubayizzi ba Kabaka okuyita muw'Essiga Namukangula.

7. Omutaka Kutulako yaggulira Omulangira ekkubo e Kasenge nga agenda e Naggalabi okitikkirwa.